Shpresojmë të jenë tatuazhe që fshihen, pasi këngëtari kanadez, Justin Bieber, i ka befasuar fansat me një super-tatuazh në pjesën e gjoksit dhe të barkut.
Në njërën anë të gjoksit ka të vizatuar një ari të madh, kurse në anën tjetër luanin dhe nën ta ndodhen forma të ndryshme.
Fansat e Bieber kanë reaguar menjëherë përmes komenteve në “Instagram” duke i thënë se e ka tepruar me tatuazhe, të cilat nuk duken aq mirë.
“Je bërë i varur nga tatuazhet. Pse e shkatërron trupin me to, kur nuk kanë vlerë?”, ishte pyetja e një fansi drejtuar këngëtarit.
Një tjetër i ka thënë se është dukur më mirë në të kaluarën, kur ka pasur tatuazhe të vogla.
Krahas atyre që e kanë kritikuar, ka pasur edhe nga ata që e kanë inkurajuar duke i thënë se mund të bëjë çfarë të dojë me trupin e vet.
Deri më tani, Justin Bieber ka 60 tatuazhe në trupin e tij.
