Ai “kërcënoi” fansat se do ta bënte profilin privat dhe në fakt mbajti fjalën! E gjithë historia nisi nga fakti se Justin Bieber nuk duronte më ofendimet dhe komentet negative ndaj të dashurës së tij Sofie Richie. Në këtë histori u përfshi dhe ish- e dashura e tij Selena Gomez.
Fillimisht Justin vendosi që ta bënte profilin privat, por më pas e fshiu fare atë. Ky vendim duket se erdhi nga fakti që fansat nisën të bënin komente negative, pasi këngëtari vendosi që ta bënte profilin privat. Por më herët zënka mes tij dhe Selena Gomez doli jashtë kontrollit.
Askush nga të dy nuk i mori lehtësisht ose me sportivitet fjalët e tjetrit dhe praktikisht filluan duke i nxjerrë të palarat njëri-tjetrit. Nga diskutimi mbi fansat ata kaluan në plagët e vjetra që rezultuan më të thella nga sa dukej.
Selena e akuzoi artistin kanadez se e kishte tradhtuar jo një, por shumë herë dhe ky ishte vetëm fillimi. Sipas portalit “E!Online” bombën e lëshoi Bieber në komentin pasardhës, i cili jo vetëm e kundër-akuzoi 23-vjeçaren për tradhti, por përmendi dhe një emër specifik. As më shumë e as më pak se Zayn Malik.
Nuk dihet periudha, por zëra të tillë nuk ishin përhapur më parë dhe gjithçka tingëllon e pabesueshme. Por kur del nga vetë goja e Bieber nuk mund të injorohet. Pavarësisht se nuk është mundur dot të bëhet foto komenti i fundit i Justin, lajmin e ka konfirmuar portali i njohur “E! Online”.
Burimi: Daily Mail
