Jurgen Kurti u qëllua për vdekje mbrëmjen e së hënës, më 18 mars, në hyrje të pallatit ku banonte, ndërsa në vendngjarje u gjetën 16 gëzhoja.
Një nga pistat që po hetohet për kapjen e autorëve lidhet me atë të hakmarrjes për vrasjen e biznesmenit në Durrës, Agim Arapit, ku u përfshi 26-vjeçari bashkë me dy vëllezërit Kostandin (vjehrri i Jurgenit) dhe Kujtim Ekonomi.
Tashmë sipas “BalkanWeb” mësohet se, policia ka shpallur në kërkim djalin e biznesmenit, 33-vjeçarin Dervis Arapi.
Sipas sistemit TIMS mësohet se ai nuk ndodhet në Shqipëri që prej muajit janar të këtij viti, gjë që u konfirmua edhe nga nëna e tij, Vjollca Arapi, gjatë emisionit “Opinion” mbrëmjen e djeshme.
Policia ka dyshime se, ai ka hyrë në mënyrë ilegale në Shqipëri ose ka paguar persona të tjerë për vrasjen e Kurtit.
Burimi: BalkanWeb
