U mbajt këtë të diel për herë të 6-të finalja e festivalit të muzikës evropiane për fëmijët, “Junior Eurovision Song Contes”, në Minsk të Bjellorusisë.
Ndërsa performuan 20 konkurrentë, Shqipëria me këngën “Barbi” të performuar nga Efi Gjika, u prezantua e katërta.
Pavarësisht se ishte një nga këngët më të pëlqyera, përfaqësuesja jonë e fëmijëve pas votimeve u rendit në vend të 17-të.
Fituesja e festivalit këtë vit ishte Polonia, ndërsa vendin e dytë e rrëmbeu Franca.Vargjet e këngës “Barbie” shprehnin këtë mesazh: Fëmijët të mos trajtohen si kukulla, por si njerëz me potencialet e dëshirat e tyre në jetë.
Duke ju referuar faqes zyrtare të JESC, performanca e parë në prova e Efit ishte plot dritë, e dominuar nga ngjyra rozë. Efi ishte shndërruar për performancën e saj në një personazh të animuar. Veshja ngjyrë rozë, fjongoja e madhe në flokë dhe buzëqeshja e saj e bënë performancën edhe më të gëzueshme.
Kënga e saj ishte e treta në klikime, si dhe në treshen më të mirë të ndjekësve. Pavarësisht kësaj ajo nuk u rendit as në 5 këngët më të votuara.
Delegacioni shqiptar u prit më 21 nëntor nga presidenti i Bjellorusisë.
