17 maji njihet si dita ndërkombëtare kundër homofobisë dhe në kuadër të saj organizohen parada dhe evenimente të ndryshme nga përfaqësuesit e këtij komuniteti. Në Shqipëri ndryshe nga çdo vit, komuniteti i LGBT-së e organizoi ditën e djeshme paradën kundër homofobisë.
Pjesë e kësaj parade u bënë edhe shumë personazhe të njohur shqiptarë, të cilët madje kishin marrë edhe fëmijët e tyre me vete, për të shprehur mbështetjen ndaj komunitetit të LGBT-së.
Mirëpo jo të gjithë ndajnë të njëjtin mendim për këtë paradë, dhe njëri prej tyre është aktori i njohur Julian Deda. Ai e shikon këtë paradë si një kërcenin psikik për fëmijët dhe iu bënë thirrje prindërve që t’i largojnë ata nga bulevardi.
“Kujdes. Largoni fëmijët nga bulevardi. Ka paradë dhe mund të marrin goditje psikike. Ruajini fëmijët nga manifestimet e këtij lloji. Mësojini atyre, ngulitjani mirë në kokë se familja tradicionale duhet ruajtur me çdo kusht dhe se çdo gjë tjetër është lajthitje”, ka shkruar Juli në një status në Instastory.
