Megjithëse vitet kalojnë, disa ngjarje të rëndësishme nuk hiqen kurrë nga memoria jonë, sado gjëra të tjera të bukura të ndodhin pas saj.
Një ndër kujtimet më të dashura për çdo njeri është edhe dita e parë e shkollës, që s’besojmë se do të jetë dikush që nuk i kujtohet.
Emocionet për gjërat e reja që po vijnë janë të papërshkrueshme, ndaj ky kujtim mbetet një ndër më të veçantët në jetë.
Një kujtim të tillë ka edhe aktori i humorit Julian Deda, i cili ka vendosur ta ndajë me publikun ndjesinë e tij.
Në një postim në Instagram, Juli rrëfen se e mban mend si sot ditën kur u përgatit për të shkuar për herë të parë në shkollë, ndërsa sytë na mbetën tek fotoja e vjetër e aktorit.
Në fakt, ai nuk ka ndryshuar aspak që prej fëmijërisë dhe ka ruajtur të njëjtën fytyrë që kishte edhe dikur, kur ishte në bankat e shkollës.
“Hera e parë nuk harrohet”- thotë Juli dhe s’mund të ishim më dakord!
“Dita ime e pare e shkolles, 32 vjet me pare!
Ishte 1 Shtator 1988. U zgjova tmerrsisht i lumtur nga gjumi. Lava dhembe e faqe, dush nuk bera se kisha bere nje nate me perpara. ?
Vesha çorapet e bardha deri te gjuri, perparesen e zeze, vura jaken e bardhe, vesha sandalet, dmth te gjitha keto mi vishte mami se une isha tmerrsisht i zene duke sqaruar nje fete buke me gjalpe. ?
Mora çanten e shpines me rripa, e theksoj me rripa (se ishte veshtire te gjendeshin ne ate kohe) dhe me nje tufe me lule ne dore shkova bashke me prinderit deri te oborri i shkolles, ne kembe, e perseris ne kembe (se eshte e rralle sot) ?
Jo per gje por hera e pare nuk harrohet, ne te gjitha rastet..! ?”- ka shkruar aktori krahas postimit.
Po ju e mbani mend me detaje ditën tuaj të parë në shkollë?
