Një vend bashkoi të pasionuarat pas shkëlqimit dhe aksesorëve. Njerëz të modës, artit, kulturës apo politikës u mblodhën në eventin e organizuar në dyqanin “Swarovski” në Qendrën Metropol, në rrugën “Sami Frashëri”. Të gjithë me një qëllim: në kërkim të së bukurës dhe shkëlqimit, bashkë me shumë të tjerë që shijuan uljet dhe një koktej nën sfondin e muzikës.
Prej vitesh “Swarovski” ka treguar se di t’ju japë shkëlqimin që meritoni, me gurët vezullues, perlat dhe kristalet, në dizajnët e ndërthura mes modernes dhe klasikes.
Shtëpia e fuqishme e bizhuterive organizoi të enjten e 14 dhjetorit në dyqanin “Swarovski”, eventin “Christmas Pop” të koleksioneve të saj, të kthyer tashmë në një traditë.
Festa nisi që në orët e para të ditës, ndërsa “Swarovski” i mirëpriti të ftuarit me pije, koktej dhe muzikë në sfond, për t’i prezantuar me koleksionin më të fundit të bizhuterive, orëve dhe aksesorëve, të cilat janë përshtatur për elegancë absolute të së përditshmes.
Pjesë e koleksioneve të tij janë edhe risitë më të fundit përmes artit dhe zbukurimeve të krijuara enkas për shtëpinë tuaj. Gjithkush arriti të gjente pikërisht atë që kërkonte, ndërsa përfitoi ulje nga eventi i 14 dhjetorit.
Pjesën më të madhe të orëve që kaluan në festë, të ftuarit soditën me dëshirë këndin e bizhuterive në dyqan, për të zgjedhur të preferuarën e tyre dhe për të dalë nga qendra me një dhuratë të bukur.
Por kush ishin miqtë e “Swarovski”-t, që morën pjesë në këtë event?! Si zgjodhën të vishen? Ja disa nga të pranishmit:
Roza Lati, Anjeza Maja dhe Niko Komani
Sara Kolami dhe Niko Komani
Estela Ujka
Eni Çobani
Orinda Huta
Anjeza Maja
Roza Lati
Miranda Dupi
Një pjesë e stafit të “Swarovski”-t
Eraldo Rexho
