Ditën e djeshme, Ermal Mamaqi kishte ditën e tij më të rëndësishme, atë të inaugurimit të filmit të tij të tretë “I Love Tropja”.
Të gjithë miqtë e tij dhe kolegët ishin të ftuar, bashkë me Bes Kallakun, por ky i fundit e kishte lajmëruar prej kohësh Ermalin se nuk do të jetë në Shqipëri.
“E kam thirrur Besin. Edhe ai më thirri por isha në Amerikë. Besi nuk besoj se do vijë sepse me sa më tha do jetë në Izrael. I thashë sa të vish ke vendin më të mirë në sallë që ta shohësh”, tha Ermali pak ditë më parë në “Thumb On”.
Dhe në fakt Besi dhe Xhensila po shijojnë ditët pushim në Izrael e Jeruzalem, pasi kanë publikuar disa foto në Instagram, ku dëshmojnë se nuk ndodhen në Shqipëri.
Por fansat kanë nisur ta ngacmojnë Besin, sesi udhëtimi i tij rastisi në periudhën që Ermali kishte inaugurimin.
“Demek të rastisi dhe ty te jesh jashtë shtetit ditën e inagurimit të filmit të Ermalit ?”, i shkruan një fanse.
Besi nuk i ka kthyer asnjë përgjigje deri më tani!
Aktorët kanë pasur disa debate në distancë në lidhje me projektet e tyre. Pas Besi tha se Ermali bën më shumë biznes se humor në emisionin “Shiko kush Luan”, Ermali nuk e priti mirë (lexo këtu).
Ermali foli edhe për filmin e Besit për të cilin tha se ishte shumë i mirë por kishte disa probleme teknike.
Epo shpresojmë që Besi ta shohë sa më shpejt filmin e Ermalit dhe të japë mendimin e tij!
