Gjykata Themelore e Valencias i ka paraqitur një kërkesë këngëtarit Julio Iglesias për pranimin e atësisë së një djali 27-vjeçar.
74-vjeçari me më shumë se 300 milionë albume të shitura në botë, ka njëzet ditë kohë që t’i përgjigjet kësaj kërkesë.
Javerie Sanchez Santos, banor i Valencias, në shtator ka dëshmuar se është fëmija i spanjollit dhe portugezes Mariaa Edite.
Ai e ka dëshmuar këtë përmes testeve të ADN-së, të cilët, me një probabilitet prej 99 për qind dëshmojnë se Iglesias është babai i tij biologjik.
Maria Edite në vitin 1992 ka kërkuar që të Iglesias të njoh atësinë, por kërkesa është hedhur poshtë për arsye procedurale.
Fernando Osuna, avokat i Sanchez Santosit pohon se provat që posedojnë janë “shumëllojshmëri të mbeturash, mbi të gjitha të cigares”, të cilat janë mbledhur nga një zbulues privat në Miami, ku jeton Julio Iglesias.
Romantiku është baba i tetë fëmijëve, tre prej të cilëve i ka me Isabel Preysler, ndër të cilët edhe Enrique Iglesiasin dhe pesë të tjerë me ish-bashkëshorten, Miranda Rijnsburger.
