Divat e muzikës Pop, Jennifer Lopez, Adele dhe Rihanna shkëlqyen në tapetin e kuq të çmimeve Grammy që u mbajt të dielën në Los Angeles.
Zonjushat u dalluan për look-un e tyre shumë ndryshe nga njëra-tjetra, por po aq mahnitëse sa i lanë të gjithë pa fjalë kur mbërritën në Qendrën Staples për një nga netët më të mëdha të muzikës.
Lopez, 47 vjeç, kishte veshur një fustan në ngjyrë jargavani me një detaj luleje në qafë. Fustani i saj mbante ermin Ralph & Russo ndërsa këpucët që shkëlqenin ishin me gurë diamanti.
Këngëtarja britanike Adele, 28 vjeç, dukej mjaft në formë me fustanin në ngjyrë jeshile ulliri, Givenchy, i cili ishte i gjithi i punuar me rruaza.
Rihanna ndërkohë, tregonte me krenari barkun e saj të palestruar teksa mbante veshur një bust crop-top në ngjyrë portokalli, të cilin e kishtë kombinuar me një fund të zi voluminoz, me fruda nga Armani Prive.
28-vjeçarja e hitit “Needed me”, kishte bërë zgjatim flokësh, me kaçurrelat që binin në supet e saj.
Beyonce shkëlqeu gjithashtu me një fustan të kuq të shndritshëm, që nxirrte në pah barkun e saj të rrumbullakët. Ky ishte fustani i saj i dytë pas performancës në skenë që do të mbetet e paharrueshme.
Më e guximshme se kurrë më parë, Lady Gaga u sigurua që të kthente kokat e të gjithëve, me një veshje ekstravagante që nxirrte në pah pjesën e poshtme të gjoksit dhe një palë pantallona të shkurtra me zinxhirë të varur dhe çizme lëkure të gjata mbi gju.
*Shfleto galerinë
Burimi: Daily Mail
