A ju paralajmëruam se Dafina Zeqiri dhe Yll Limani po sjellin një bashkëpunim? Po!
A është e vërtetë kjo? Që ç’ke me të.
Dy nga emrat më të suksesshëm të muzikës shqiptare kanë bashkuar forcat për të na sjellë një nga duetet më të bukura të vitit dhe ne mezi po presim.
Nuk ka detaje rreth datës së publikimit të projektit por urojmë të ndodhë para mbylljes së 2020. Ishte Dafina ajo që konfirmoi dyshimet tona pak minuta më parë, duke publikuar një video ku shihej sërish me Yllin.
Ndryshe nga herët e tjera ata ndodheshin sot në studio, ku siç duket po regjistrojnë këngën.
Kujtojmë se kjo gjë u pikas pak ditë më parë.
Shkak janë bërë fotot dhe videot e shpeshta që Ylli dhe Dafina kanë postuar së fundmi nën shoqërinë e njëri-tjetrit dhe bashkëpunëtorëve të tyre.
Duke qenë se në këto kohë nuk ka as koncerte nuk mund të themi se janë bërë bashkë për ndonjë koncert dhe pse kanë miqësi të ngushtë me njëri-tjetrin.
Yll Limani publikoi pak ditë më këngën e re “Leje”. Ndryshe nga këngët paraardhëse, Ylli nuk ka realizuar një klip për këtë këngë por e ka sjellë në mënyrën më të thjeshtë të mundshme nëpërmjet animacioneve.
Por, ju e dini se zëri dhe fabulat që ai trajton nuk kanë nevojë për videoklipe.
Se me t’pas dasht, nuk t’kish lon vet për shok që nuk i ka përnime, për femna as sa gjysma jote. Ti s’je bota e tij, ai osh bota jote. Amo leje…Zemrën e tij theje. Dashnin tjetër gjeje…leje sonte leje…
Nga ana tjetër, Dafina Zeqiri ka sjellë remix e këngës mjaft të pëlqyer “Vuj vuj vuj”, që është mirëpritur shumë mirë nga publiku.
Projekti u bë viral, kjo prej videoklipit të veçantë ku protagonist është Miran Ramadani, i cili ka rrëmbyer zemrat e të gjithëve me videot humoristike që poston në rrjetet sociale.
