Steven Nelms është një ndër meshkujt që vlerëson vërtetë punët që bëjnë femrat në shtëpi çdo ditë. Ai llogariti se sa vlen puna që bën bashkëshortja e tij përditë. Shumë meshkuj besojnë se puna e shtëpiakes dhe kujdesia për fëmijët është shumë e thjeshtë dhe se femrat nuk duhet të ankohen kurrë.
Por Steven Nelms dëshiroi që t’ia bënte të qartë bashkëshortes së tij se sa vlen puna që ajo bën çdo ditë për ta mbajtur shtëpinë në formë perfekte dhe sakrificat që bën për të mos i munguar asgjë fëmijës së saj.
Steven dhe Glory kanë një djalë 2 vjeç. Çifti është martuar së fundmi dhe bashkëshorti vendosi të bënte një eksperiment, duke menduar për punën që bashkëshortja e tij bën çdo ditë.
Ai donte që të tregonte vlerësimin për bashkëshorten e tij, ndaj llogaritën së bashku se çfarë shume parash do të merrte Glory për punën e saj si shtëpiake dhe kujdesin ndaj djalit.
“Gruaja ime qëndron në shtëpi dhe kujdeset për djalin çdo ditë. Ai i ndron pelenat, i gatuan për të ngrënë, luan me të, kujdeset që mos t’i ndodhë asgjë dhe e ngushëllon kur mërzitet. Dhe e gjitha kjo është vetëm një pjesë e vogël nga ajo që bashkëshortja ime bën vërtetë”, shprehet Steven.
Llogaritja e Steve:
Pastrimi: Mes 50 dhe 100 euro për një herë në javë
Blerës personal: 65 euro për katër orë në javë
Kuzhiniere: 240 euro në javë
Larja e rrobave: 25 euro në javë
Dado: 75 euro në javë
Sipas llogaritjeve të përafërta, Glory do të paguhej me rreth 73.960 euro në vit dhe rreth 6.156 euro në muaj.
Kjo është shuma që çifti duhet të paguante në rast se fëmija do të kishte nevojë për një dado dhe një punonjëse që të bënte të gjitha punët e shtëpisë. Por të gjitha këto gjërat në fakt i bën bashkëshortja Glory dhe femrat si ajo janë me miliona në botë.
Ndoshta kështu të gjitha bashkëshortët do të mësojnë të vlerësojnë më shumë punën që femrat bëjnë në shtëpi!
Burimi: Donne.co
