Gjithmonë thuhet se dashuria e parë nuk harrohet dhe se ajo ka një ndikim të madh tek njerëzit. Ne mund të gjejmë një partner tjetër në jetën tonë, por personin e parë të cilit ja kemi falur zemrën nuk e harrojmë kurrë.
Duket e habitshme, por jo rrallë ish-i shfaqet dhe në ëndrrat tona dhe sa herë që ndodh kjo na lindin pyetjet: “ Pse jam duke menduar për këtë person? A do të thotë kjo që nuk e dua partnerin tim aktual?”
Në të vërtetë ka disa arsye se përse ndodh kjo:
1-Ju dëshironi që ai të pranojë vlerën tuaj
Dashuritë e para janë intensive. Ndarja juaj e parë ishte një gjë shkatërruese që përfundoi keq. Ju mendoni për të, si një përpjekje e pandërgjegjshme për t’u përmbushur. Nëse ndiheni sikur dashuria juaj e parë nuk ua ka ditur vlerat, tani ndiheni më mirë me veten tuaj. Subkoshienca juaj dëshiron t’i bëjë ata të kuptojnë se kanë bërë një gabim duke ju braktisur.
2-Ju krahasoni eksperiencat e dashurisë suaj të parë me të tashmen
Nëse, personi që keni dashur dikur ju ka bërë të vuajë, ju ende keni frikë se partneri i momentit mund të bëjë të njëjtën gjë. Ju nuk dëshironi ta mendoni këtë gjë, por ndonjëherë mendja nuk ju lë të qetë dhe shkon pikërisht te dashuria juaj e parë.
3-Thjesht nuk e harroni dot
Nëse ju mendoni për të ende, kjo nuk do të thotë se jeni çmendur. Askush nuk mund të komandojë mendjen, apo zemrën. Janë gjëra që u ndodhin të gjithëve. Mos e mendoni si një tradhti ndaj personit që jeni të lidhur.
4-Keni ende çështje të pazgjidhura
Ndarja me personin e parë që keni dashur, ju ka bërë të keni ende gjëra të pazgjidhura. Edhe pse ka kaluar kohë, ju mendoni se do dëshironit shumë që këto gjëra të zgjidheshin. Ju ktheni kokën për të parë se ku ndodheni, por situata duket e pamundur, sepse secili ka krijuar jetën e vet.
5-Keni probleme në lidhjen tuaj
Si çdo çift edhe ju ndonjëherë kaloni ndonjë krizë. Mendja juaj pa dashur sërish shkon te ish-partneri juaj, më saktësisht të dashuria e parë. Ndoshta ju kujtohen momentet kur kishit probleme si këto që po përjetoni tani.
