Kush e ka lexuar romanin “MeriYll”, do gëzohet nga ky lajm i bukur. Shkrimtari i njohur Viktor Canosinaj, ka bërë të ditur se do dalë në treg botimi i dytë i këtij romani. Ai shkruan se libri “Pandashmërisht MeriYll” do publikohet në vjeshtë.
Reagimi i tij:
“PANDASHMERISHT MERIYLL” – Vendosa edhe piken e fundit ne kete roman qe jetonte brenda meje prej shume kohesh. Qe nga botimi i romanit “Meriyll” ne vitin 2000 kane qene te shumte lexuesit qe, neper takime letrare, me kane pyetur dhe me kane sugjeruar te shkruaj nje vazhdim te romanit. Me ne fund kjo ndodhi. Kete here eshte fjala per nje roman per te rritur, personazhet kryesore te te cilit, Sidi dhe Meri, jane studente, pra serish ne nje faze kalimtare te jetes. Shpresoj qe libri te dale ne qarkullim nga vjeshta”
Kujtojmë se libri trajton fatin e një vajze që humb nënën në moshën 13 – vjeçare dhe mbi supet e saj të njoma bie barra e shtëpisë. Ndërkohë babai i saj ka mbetur pa punë dhe ka probleme serioze me alkoolin. Në sajë të mbështetjes së Sidit, vajza me emrin Meriyll arrin t’a dalë mbanë dhe të shpëtojë nga trafikimi.
