Orinda Huta dhe Turjan Hyska u bekuan me dhuratën më të bukur të jetës, vajzën e tyre të parë që e pagëzuan me emrin Atara.
E vogla u kthye në kryefjalën e shtëpisë dhe mori të gjithë vëmendjen e mamit dhe babit, ndërsa Orinda la për pak kohë mënjanë televizionin për t’iu përkushtuar të bijës.
Mirëpo, koha larg ekranit duket se ka përfunduar, pasi Orinda rikthehet sërish këtë të diel me emisionin e saj “Jo vetëm modë”, siç bën të ditur në rrjete sociale.
“Rikthehem të dielën”- shkruan moderatorja krahas videos, duke gëzuar fansat me këtë lajm.
View this post on Instagram
Megjithëse zgjodhi të qëndronte për pak kohë larg ekranit, Orinda nuk ka qëndruar larg rrjeteve sociale dhe jo më larg se dy javë më parë, mori vëmendjen për shkak të një përplasjeje mendimesh me një ndjekëse.
Ajo mori vërejtje për faktin që qeni i shtëpisë i qëndron afër të voglës.
“Mos shkruani më të tilla mesazhe…nuk lodhem së bëri block”,- ka shkruar Orinda në InstaStory.
Kujtojmë se nuk është hera e parë që Orinda kritikohet. Ajo u kritikua se i jepte vajzës qumësht gjiri me formulë duke qenë se nuk është i mjaftueshëm qumështi i saj. Për këtë arsye, Orinda ju ka dhënë një mesazh të gjitha nënave të reja dhe grave që paragjykojnë nënat që nuk ushqejnë fëmijët me qumësht gjiri.
“Ky moment nuk ka çmim dhe lus Zotin çdo ditë të zgjasë sa duhet. Nuk ka formulë që e zëvendëson qoftë dhe thjesht lidhjen që krijohet. Megjithatë mungesa dhe problematikat që mund të dalin nuk duhet t’ju trishtojnë. Unë jam nga ato nëna që do e provoj deri në fund, ta mbaj me gji Atarën. Aq sa më ka rekomanduar mjeku. Se ia hedh në shishe a se ia jep direkt, nuk ka fare rëndësi. Megjithatë shëndeti i saj mbi të gjitha. Nëse nuk e ngop do përdor edhe formulën pa hequr gjirin. E mos na jepni shumë mend se si jepet me gji deri në 4 vjet (s’ka asgjë të bukur). Nuk ju bën më shumë nëna të mira se ajo që nuk mundet fare. Ndani eksperiencat, por pa drejtuar gishtin te nënat. Nuk më besohet sa aspak empatike janë disa gra”, shkroi Orinda.
