Në fillim të këtij viti, moderatorja Kiara Tito njoftoi rikthimin e saj në ekran me një format tërësisht ndryshe nga ç’ishim mësuar ta shihnim deri tani.
Siç u zbulua më herët, emisioni i saj i ri kishte të bënte me modën, duke qenë se Kiara është e apasionuar pas saj dhe trendeve të fundit.
Emisioni do të titullohet “Style Star Show”, do të transmetohet në “Abc News” dhe do të jetë një spektakël ku pjesëmarrësit do të konkurrojnë me njëri-tjetrin.
Mirëpo, ky nuk është projekti i vetëm i Kiarës në ekran!
Moderatorja po vjen edhe me një surprizë të dytë, një emision që në fakt do të jetë reality-show.
Këtë e ka zbuluar vetë Kiara teksa i përgjigjej pyetjeve të ndjekësve kuriozë në InstaStory.
“Së shpejti do vij me dy programe të reja. Po punohet çdo ditë për realizimin e tyre.
Një spektakël mode dhe një reality-show.”- ka shkruar moderatorja.
Gjatë ditës së djeshme, Kiara u bë kryefjala e rrjetit pas lajmeve për një romancë të mundshme me këngëtarin Young Zerka, me të cilën u bë “çift” gjatë emisionit “Shiko Kush Luan”.
Vetë moderatorja iu përgjigj këtyre aludimeve, duke ia lënë të shtunës ta tregojë të vërtetën. (Kliko)
