Festivali i “Këngës Magjike” ka nisur edhe për këtë vit dhe prej disa javësh në rrjet janë komentuar mjaft pjesëmarrësit që do të konkurrojnë këtë edicion, mes tyre edhe shumë artistë të huaj.
“News.31” ka zbuluar se krah emrave që tashmë janë bërë të ditur për publikun, do të performojë edhe këngëtarja e njohur shqiptare, Jehona Sopi.
Hera e fundit që ajo mori pjesë në “Këngën Magjike” ishte 5 vite më parë, me baladën e famshme “Të shkuara”.
Jehona po rikthehet sërish pas një mungese të gjatë dhe ende nuk dihet nëse do të vijë me një baladë, apo do të na surprizojë me diçka tjetër.
Këtë vit, anëtarë të jurisë së “Këngës Magjike” që do të vlerësojnë së bashku me publikun artistët janë Enkel Demi, Arben Skënderi, Jonida Maliqi dhe Armend Rexhepagiqi.
