Pasi pushoi së bëri muzikë që prej vitit 2016 dhe lajmëroi largimin e saj për një periudhë të gjatë kohore, një lajm i mirë vjen nga këngëtarja shumë e dashur Adele. Kohët e fundit po qarkullojnë zëra se këngëtarja i është futur punës për të publikuar albumin e radhës.
Kujtojmë se albumi i saj i fundit u publikua në vitin 2015 dhe pas plot 3 vitesh Adele pritet të rikthehet fuqishëm. Në fakt ky lajm është thënë nga një burim pranë këngëtares dhe sipas tij Adele ka nisur takimet për projektin e ri këtë muaj. Po ashtu është thënë se ajo do e kalojë këtë verë në studio duke regjistruar këngët e reja.
Albumi i ri i këngëtares mendohet se do të publikohet në Krishtlindjet e vitit 2019.
“Ajo është kthyer në Britaninë e Madhe dhe synon që të punojë këtu. Disa studio muzikore janë afruar për të punuar me të dhe tashmë ajo i ka përfunduar disa nga këngët”- ka thënë më tej burimi.
