Bëhuni gati çuna dhe goca, sepse më 6 shtator do të ketë festë të çmendur në sheshin “Nënë Tereza”!
Vitin e kaluar festivali nuk u mbajt për shkak të pandemisë si pasojë e masave të marra ndaj Covid-19. Mirëpo, tanimë që situata duket optimiste, më në fund mund t’i kthehemi pak nga pak jetës normale.
“Ditën e hënë më 6 shtator vjen në Tiranë për herë të tretë “Colour Day Festival”, që me skenën shumëngjyrëshe do të mirëpresë në sheshin “Nënë Tereza” performuesit, DJ dhe këngëtarët më të dashur të momentit”, është bërë i ditur nga faqet zyrtare të festivalit në rrjetet sociale.
Epo më në fund, pas një situate aspak të zakonshme për këdo, në muajin shtator me qeskën tuaj të ngjyrave do të keni mundësi të ngjyrosin ylberin tuaj në festival.
Mos harro! Lajmëro dhe të gjithë miqtë për të krijuar së bashku kujtime të bukura! “Colourday Festival” po ju pret të gjithëve!
