Kompania telefonike ‘Vodafone’ prej kohësh ka nisur një ‘fushatë’, ku telefonon abonentët e dy kompanive të tjera telefonike praktikisht ‘One Telecommunication’ dhe ‘Albtelecom’, duke ju ofruar atyre mundësinë e artë për tu bërë pjesë e kompanisë së tyre.
“Numri juaj është përzgjedhur për të qenë pjesë e ‘Vodafone‘!”- është kjo fjalia që me siguri shumë prej jush e kanë dëgjuar këtë muaj. Se nga kush është përzgjidhur kjo nuk dihet dhe po ashtu faktin se sa fatlumë duhet të jeni nga kjo përzgjidhje do e trajtojmë më poshtë.
Mirëpo, ka dy problematika shumë të mëdha që lindin nga kjo telefonatë kaq dashamirëse që ky operator telefonik vendosi një ditë të bukur tu bëjë klientëve të kompanive konkurrente.
Së pari, ‘Vodafone’ po shkel rregullat dhe ligjet e tregut!
Një veprim i tillë padyshim shmang konkurrencën e drejtë në treg. Një gjë e tillë nuk është thjesht e gabuar në planin moral dhe etik, por bie në kundërshtim të plotë me ligjin Nr.9918, datë 19.5.2008 (I ndryshuar) “PËR KOMUNIKIMET ELEKTRONIKE”. (LEXO KËTU TË PLOTË)
Duke qenë se ‘Vodafone’ pretendon se ofron një ofertë, risi tek klientët, duhet gjithashtu të dijë se kjo bëhet nëpërmjet një procedure të caktuar. Kjo procedurë përcaktohet mjaft mirë në Nenin 14 të këtij ligji që thotë se:
Cilido sipërmarrës që, për qëllime fitimi, parashikon të ofrojë një rrjet ose shërbim të komunikimeve elektronike,
duhet të njoftojë AKEP-in përpara fillimit të funksionimit, ndryshimit ose
ndërprerjes.
Njoftimi i sipërmarrësit bëhet me shkrim, sipas rregullave të miratuara nga AKEP-i, dhe duhet të përmbajë
disa informacione.
Së dyti, shkelja e privatësisë!
Të telefonosh klientët e një kompanie tjetër telefonike është, përveçse një shkelje flagrante e etikës, standardeve profesionale, shkelje edhe e ligjit të privatësisë nga ana e kompanisë ‘Vodafone’.
Nuk dihet se si kjo kompani i ka siguruar të dhënat personale të personave që telefonon dhe se me çfarë të drejte mund të ndërhyjë tek këto të dhëna.
Një gjë e tillë parashikohet edhe në LIGJIN Nr.9887, datë 10.3.2008 PËR MBROJTJEN E TË DHËNAVE PERSONALE (LEXO KËTU TË PLOTË),ku Neni 5 për “Mbrojtja e të dhënave personale” thotë se “Mbrojtja e të dhënave personale bazohet: në përpunimin në mënyrë të ndershme, të drejtë dhe të ligjshme; në grumbullimin për qëllime specifike, të përcaktuara qartë, e legjitime dhe në përpunimin në përputhje me këto qëllime.
Heshtja e vazhdueshme e AKEP!
Në mënyrë të qartë dhe në shumicë institucionet rregullatore të tregjeve Autoriteti i Konkurrencës dhe Autoriteti i Komunikimeve Elektronike dhe Postare që lidhet drejtpërdrejtë me çështjen, me veprimet dhe mosveprimet e tyre i shërbejnë interesave të tilla me shenja të qarta subjektivizmi dhe korrupsioni.
Është pikërisht Neni 7 i Ligjit Nr.9918, datë 19.5.2008 (I ndryshuar) “PËR KOMUNIKIMET ELEKTRONIKE” që e detyronAKEP-i që të nxisë konkurrencën efiçente për sigurimin e rrjeteve dhe të shërbimeve të komunikimeve elektronike, facilitetet shoqëruese dhe shërbimet e tjera. Në pikën b. të tij thuhet se AKEP ndërhyn për të mbrojtur interesat e përdoruesve të shërbimeve të komunikimeve elektronike, për të mbrojtur të dhënat personale dhe privatësinë e përdoruesve.
Madje në raste të tilla, si ky për të cilin po flasim, kërkohet ndërhyrja e menjëhershme e AKEP dhe në Nenin 6 të këtij ligji thuhet se:
1.Autoriteti i Komunikimeve Elektronike dhe Postare është organi rregullator në fushën e komunikimeve
elektronike dhe të shërbimit postar, i cili mbikëqyr kuadrin rregullator të përcaktuar nga ky ligj, nga ligji për
shërbimin postar dhe nga politikat e zhvillimit, të përcaktuara nga Këshilli i Ministrave.
2. AKEP-i është një person juridik, publik, jobuxhetor, i pavarur, i cili e zhvillon veprimtarinë në përputhje me
legjislacionin në fuqi. AKEP-i në punën dhe në marrjen e vendimeve brenda kompetencave të tij është i pavarur.
AKEP-i e ka selinë në Tiranë.
Mirëpo, sikundër ka bërë deri tani për çështjen e telekomunikacionit AKEP thjesht ka qëndruar në heshtje.
Vodafone ju thotë se “jeni fatlumë”, por në fakt ka 1001 probleme!
Si një nga tregjet më abuzive në vendin tonë, ‘Iocnstyle.al’ prej kohësh po ndjek me shqetësim zhvillimet që ndodhin në sektorin e telekomunikacionit, ku kemi denoncuar disa nga shkeljet më flagrante.
Kështu, kur AK kërkon rritje te njësive të internetit, qyetarët ankohen çdo ditë se paketat e tyre më parë mbarohen se aktivizohen. Disa javë më parë pasqyruam denoncimet e qytetarëve që ankoheshin se si 6 GB mbarojnë brenda 30 minutave. (KLIKO)
Një problem jo më pak i rëndësishëm është edhe dështimi i mbulimit të territorit, kryesisht i zonave të largëta të vendit, ku kompanitë telefonike nuk kanë interesa të zhvillojnë infrastrukturën. (KLIKO)
Nga kjo e fundit, atyre ju lind nevoja që të aktivizojnë paketa Roaming ndonëse janë brenda vendit. Këto të fundit nga ana tjetër janë problem më vetë, pasi përveçse shiten me çmime shumë më të larta se vendet fqinje, apo seç është e përballueshme nga qytetarët shqiptarë, nuk funksionojnë.
Qytetarë të shumtë na kanë adresuar pafund shqetësime rreth faktit se kanë mbetur në baltë nëpër botë pikërisht prej këtyre paketave. (KLIKO)
Madje rasti më ekstrem është ai me Kosovën, që ndonëse pritet të hiqen fare tarifat Roaming, ato nuk funksionojnë. (KLIKO)
Kështu, përveç dy shkeljeve të mësipërme, Vodafone ka edhe një sërë çështjesh për të rregulluar para se t’ju ftojë të kaloni në kompaninë e tyre.
