Luana Vjollca ka përfunduar xhirimet e klipit më të ri që pritet të publikojë së shpejti!
Bëhet fjalë për një klip që do t’i hapë rrugë karrierës së saj përtej kufinjve të Shqipërisë e Kosovës dhe që vjen në bashkëpunim me artistin e njohur australian Faydee.
Dje Luana dhe Faydee ndodheshin në Vlorë, ku po xhironin skenat e fundit të klipit të ri. Faydee ishte i pari që publikoi një foto nga Vlora, i veshur me një këmishë të zezë.
Ndërsa Luana priti mesnatën që të mbaronin xhirimet, për të bërë disa postime në Instagram, ku tregonte se kishte 48 orë që xhironin.
“Ju dukem gjë e lodhur”, shkruante moderatorja e cila kishte hequr sandalet për të dalë zbathur buzë pishinës e veshur me një fustan ngjyrë portokalli.
Më pas ajo ka zbuluar një pjesë nga teksti i këngës që besohet të jetë titulli: “Fly away with me” (Fluturo larg me mua)!
Kënga me sa duket do të jetë në anglisht dhe që tani mezi po presim të publikohet!
