Olta Gixhari, banorja e Big Brother VIP mendon se do të ishte shumë e vështirë të krijohej një lidhje mes Luiz Ejllit dhe Kiara Titos. Pavarësisht të gjithave, ajo tregon se një lidhje mes tyre do ishte mjaft e bukur.
“Unë prapë do të them do vdisja t’ju shikoja çift se më dukeni shumë të lezetshëm”, tha Olta që i rekomandon Kiarës të mos rrijë nën hijen e Luizit.
Kiara dhe Olta kanë diskutuar bashkë rreth një lidhje të mundshme mes Luiz Ejllit dhe Kiara Titos.
“Ju do dilni ose shokë ose burrë dhe grua”, u shpreh Olta që mendon se ekziston mundësia për të pasur diçka mes Luizit dhe Kiarës.
Është Kiara ajo që shfaqet pesimiste dhe asnjëherë nuk ka folur për mundësinë, që një ditë të jetë në krahun e Luizit.
Kujtojmë se i pyetur gjatë puntatës së mbrëmjes së të martës nga Arbana Osmani, Luizi mohoi të pëlqente ndonjërën në veçanti nga vajzat brenda shtëpisë duke thënë se i sheh si motra.
“Jo asnjë. Pyetje është kjo moj Arbanë? A nuk i ke parë njëra më e bukur se tjetra? Unë i shoh të tëra si motra. Jemi familje e madhe shumë e lumtur”, tha ndër të tjera Luizi.
Shumë banorë të BBV Albania nuk i kanë kursyer komentet për Luizin. Edhe pse ata kanë pak ditë që janë bërë pjesë e shtëpisë së famshme, Luizi ka marrë vëmendjen e padiskutueshme për tipin dhe humorin e tij.
Por Tea Trifoni ndër të tjera e ka cilësuar këngëtarin si “pervers”.
