Jonida Vokshi është një nga vajzat më simpatike të ekranit dhe tani e kuptuam plotësisht se nga e ka trashëguar bukurinë. Sot nëna e moderatores feston 58-vjetorin e lindjes dhe Jonida ka publikuar një foto bashkë me të për ta uruar. Përveç dedikimit plot dashuri, ne na la pa fjalë freskia në fytyën e nënës së Jonidës, gjë të cilën ja kanë vënë në dukje të gjithë ndjekësit e vajzës, madje edhe dhëndri.
“Sot gjyshja e Emit ka ditëlindjen! Të duam shumë Oca, që më rrite mua dhe tani po rrit dhe Emin me kaq shumë dashuri”, ka shkruar Jonida.
Pas këtij postimi të gjithë njerëzit kanë rënë dakord njëzëri se bukuria është në gene, por më shumë ka tërhequr vëmendjen mesazhi i bashkëshortit të Jonidës, Besnik Krapi.
“Hajde përhajër vjehrra! 35 vjetori të ka nxon gjyshe, ama, gjyshe të lumtur. 135”, ka shkruar aktori duke vënë në pah faktin se nëna e moderatores tregon shumë më e re nga mosha e saj reale.
Jonida dhe Besniku në muajin qershor u bënë prindër të një vajze, të cilën e prezantuan për publikun vetëm pak javë më parë.
