Moderatorja simpatike Jonida Vokshi na ka prezantuar me “dashurinë” e saj. Të gjithë prisni të shihni një mashkull në krah, por në fakt bëhet fjalë për qenushin e saj. Fotoja me mbishkrimin e përzemërt, vjen pas thashethemeve për një lidhje me reprin Capital T.
Një arsye më shumë që e forconte vërtetësinë e këtij lajmi ishte edhe një burim sipas të cilit e kishte parë çiftin duke u puthur në Londër. Dhe sikur të mos mjaftonte kjo, edhe postimet e tyre me foto dhe video në Londër vazhdonin të shtonin dyshimet.
Megjithatë, në një moment Capital T dhe Jonida mohuan publikisht se mes tyre kishte diçka, madje u shprehën se as nuk kishin shoqëri me njëri-tjetrin. Pas kësaj, Jonida më në fund na njeh edhe me dashurinë e saj që është qenushi me të cilin kalon kohë sa herë është e lirë.
