Për dy sezone me radhë, moderatorja Jonida Shehu na ka shoqëruar në ekran me emisionin e saj të darkës, “Soiree”.
Mirëpo, për shkak të emergjencës Covid-19, ndryshime të mëdha ndodhën në pragramacionin e televizioneve, ndërsa “Soiree” u mbyll.
Në programin “ABC e Pasdites” me moderatorin Ermal Peçi foli për largimin e saj nga Top Channel dhe fillimin e ri në ABC NEWS.
Ajo tregoi përse programi i saj u mbyll, ndërkohë që ishte një produksion i realizuar nga vetë ajo, ekipi i saj në bashkëpunim me televizionin ku transmetohej.
“Soiree ishte një projekt i një ekipi që u bën bashkë dhe menduan që të bënin diçka të bukur, ndryshe. Dhe për mua ishte diçka ndryshe nga ato që kisha bërë deri në atë moment. Për fat të keq ne u detyruam ta ndërprisnim dhe ka shumë njerëz që më shkruajnë akoma ‘A do të filloj programi?” Situata e pandemisë na vendosi në pozita të vëshitra që nuk dinim më si do të realizohej ky proces, dhe u vendos si nga ne, por dhe televizioni që ishte bashkprodhues ta ndalonin”.
Lajmi i mirë është se “Soiree” po rikthehet me sezonin e tretë, por kësaj here jo më në “Top Channel”.
Është vënë re ndryshimi i emrin të faqes zyrtare në Instagram të emisionit, që nuk ka më emrin “Soiree në Top Channel” por “Soiree Sezoni 3”.
Paralelisht me drejtimin e edicionit qendror informativ pesë herë në javë në ABC, duket se Jonida për Vit të Ri do ta rikthejë “Soiree” në ekran në të njëjtin televizion ku ndodhet aktualisht.
