Në përfundim të Festivalit të Këngës, Radio Televizioni Publik paguan shpenzimet e këngës fituese, e cila më tej përfaqëson Shqipërinë në Eurovision Song Contest.
Por, stafi përgjegjës nuk ia ka konfirmuar ende Jonida Maliqit nëse diçka e tillë supozohet të ndodhë edhe për këngën e saj, sikurse ka ndodhur më parë për këngët e tjera.
E pyetur nga Bora Zemani tek “Treshat” në lidhje me këtë, këngëtarja tha se gjithçka di, e ka me të dëgjuar.
“Paguhet kënga fituese nga RTSH-ja?”, e pyeti Bora.
“Mesa kam informacion, po. Por ende nuk ma kanë konfirmuar.”, iu përgjigj Jonida.
“Ti nuk e di a paguhet kënga?”, këmbënguli Bora.
“E kam marrë vesh nga kolegët e mi dhe nga ata që kanë qenë më parë pjesëmarrës.”, përfundoi këngëtarja.
Jonida Maliqi fitoi festivalin e këngës në dhjetor, me “Ktheju Tokës”.
Në maj, ajo përfaqësoi Shqipërinë në Eurosong-un që këtë vit u zhvillua në Tel Aviv, duke ia dalë të kualifikohej në finale, ku u rendit e 18-a sipas përllogaritjes së publikuar në finale, por më pas u kap një gabim në llogaritje i cili e renditi Shqipërinë automatikisht në vendin e 17-të.
