Sot është një ditë shumë e veçantë për fansat e Jonida Maliqit. Ndodh rrallëherë që këngëtarja të postojë foto të djalit të saj. I gjithë profili i “Instagram”-it është i mbushur, me fotografi të sajat në të cilat ajo shfaq stilin e saj të veçantë, në të veshur dhe kombinimet. Shumë të pakta janë fotot e saj me të birin, Danin, të cilin këngëtarja nuk e ka nxjerrë asnjëherë me fytyrë në rrjete sociale.
Por ditën e sotme këngëtarja e ka thyer këtë zakon dhe kjo për “fajin” e një filtri të “Instagram”-it. Pak orë më parë, ajo ka postuar një video ku shfaqet bashkë me Danin, djalin e saj, duke provuar një nga filtrat më “in” të momentit ku fytyra e të dyve rrethohet nga zemra dhe shigjeta.
Nënë e bir shkëmbejnë një puthje dhe shfaqen shumë të dashur me njëri-tjetrin. Mund të themi që vogëlushi ka marrë tiparet e bukura të së ëmës.
Kohët e fundit, mediat rozë kanë shkruar për një divorc të mundshëm mes këngëtares dhe bashkëshortit të saj, edhe pse deri tani Jonida nuk ka pranuar të flasë për këtë gjë.
Burimi: Instagram
