Moderatorja Jona Spahiu i dha fund beqarisë mbrëmjen e së dielës dhe të gjithë vëmendjen e mori barku i saj i rrumbullakosur. Një muaj më parë “iconstyle.al” zbuloi se Jona ishte në pritjen e ëmbël dhe çifti vendosi që ta bënte publik lajmin vetëm ditën e djeshme, më 10 qershor.
Ajo dhe partneri i saj, Frenkli Ymeri, kurorëzuan dashurinë në një dasmë private dhe në një ambient të realizuar me idenë e natyrës.
Moderatorja kishte zgjedhur të vishte një fustan të fryrë, i mbuluar i gjithi me detajet e luleve dhe të gurëve. Pavarësisht se fustani mbulonte disi shtatzëninë, barku i rrumbullakosur ishte i pamundur që të fshihej.
Një video e publikuar nga këngëtari Yll Limani tregon momentin e bukur të hyrjes së çiftit, i cili i buzëqeshur përshëndet të pranishmit.
Ndërkohë që llogaritet të jetë në fillim të tremujorit të tretë të shtatzënisë, kjo nuk e pengoi Jonën që të kërcente dhe të shijonte ditën e saj më të rëndësishme.
Edhe pse një dasmë private, personazhet e famshëm që ishin të ftuar nuk mund të qëndronin indiferentë pa bërë postime.
Vilma Masha dhe Ilda Bejleri kanë publikuar disa nga momentet e bukura të festimeve.
Burimi: Instagram
