Jona Spahiu është një ndër moderatoret më simpatike të ekranit shqiptar. Verën e kaluar bukuroshja bëri publike lidhjen e saj të dashurisë, teksa postoi në Instagram një foto me të dashurin e saj Frenkli Ymerin, komentatorin sportiv të “Supersport”-it. Një histori e bukur dashurie që nuk ngurrojnë ta shprehin edhe në rrjetet e tyre sociale.
Në një intervistë të dhënë pak kohë më parë në emisionin “Rudina” Jona zbuloi se me Frenklin është njohur në ambientet e punës.
“Është një lidhje shumë e rëndësishme për mua. Sa herë mundohem të mos flas, e kam të pamundur të mos e tregoj sa e lumtur jam. Është e kotë ta fshehësh lumturinë”, tha ajo kur ishte e ftuar në emisionin “Rudina”.
Së fundmi çifti i njohur po kalon disa ditë pushimesh jashtë Shqipërisë. Në disa foto të postuara nga Jona në Instagram duket se ajo është në një vend bregdetar. Madje ajo ka postuar në “Instastory” një foto të të dashurit ku ai shfaqet duke e imituar moderatoren e njohur kur ajo merr poza për të dal në foto.
“Frenklo si bën Jona kur del në foto?”, shkruan moderatorja krahas fotos ku shfaqet i dashuri, i cili në kuadrin e shakasë tallet me sjelljen e të dashurës kur del në foto.
