Gjatë fëmijërisë në mos në një moment apo në një tjetër të gjithë kemi mbajtur një ditar për të rrëfyer çdo ndodhi të ditës. Por kjo nuk ka qenë forma e vetme e ditarit, sepse ka pasur edhe nga ata që mbaheshin për të ruajtur përjetë kujtimet më të bukura. Një kujtim të tillë ka ndarë ditën e sotme Jona Spahiu dhe me këtë rast na ka bërë nostalgjikë të gjithëve.
Një mikeshë e saj i ka dërguar një foto shkëputur nga ditari i saj, në të cilin Jona i ka lënë një shënim kur ka qenë në klasë të gjashtë. Fleta e ditarit duket se ka kthyer moderatoren pas në vite dhe e ka bërë për të qeshur me fjalët që ajo vetë ka shkruar.
“Le të mundohemi që ‘egon profesionale’ mos ta kemi kudo. Mundohu që të ndreqësh gabimet e tua ashtu siç do të bëj dhe unë”, ka shkruar Jona për shoqen e saj në klasë të gjashtë.
Këto fjali e kanë bërë për të qeshur dhe të kuptojë se ka pasur qëllime të larta për jetën e saj që në fëmijëri.
“Që në klasë të gjashtë me ‘ego profesionale’. Kjo vajzë do të shkojë lart”, ka shkruar Jona shoqëruar me disa emoji duke qeshur me lot.
Ndërkohë kujtojmë se Spahiu prej kohësh është shkëputur nga televizioni, për t’ju përkushtuar biznesit të përbashkët me partnerin e saj, Frenkli Ymeri.
