Johnny Depp aktori i njohur i Hollywood ka krijuar shqetësim tek fansat pas shfaqjes në mënyrë dramatike gjatë turneut me grupin e tij “The Hollywood Vampires” në Shën Pjetërburg të Rusisë.
Fansat komentuan të shqetësuar pamjen e zbehtë dhe të dobët të Johnny-t duke menduar se mund të jetë i sëmurë.
Aktori u shfaq i veshur thjeshtë, me një T- shirt dhe një palë xhinse, ndërkohë që mbante dhe një kapelë në kokë.
Pamja e tij kishte ndryshuar tej mase nga ajo e disa muajve më parë, ai dukej shumë i dobët dhe i zbehtë, duke hedhur lehtësisht dyshime se dicka nuk shkon me shëndetin e tij.
Fansave nuk u shpëtoi ndryshimi i tij dhe në Instagramin e Deep kishte komente që shprehnin shqetësimin për shendetin e tij.
“Ai duket i zbehtë këtu. Shpresoj që të jetë mirë “- komentonte dikush.
Një fans tjetër komentonte: “Jonny Depp duket aq keq… O Zot mos është i sëmurë?”
Johnny aktualisht po bën një turne bamirësie botëror me supergrupin e tij të rock-ut, “The Hollywood Vampires”.
