Johnny Depp është serioz për t’u rikthyer për të bërë filma të mëdhenj në Hollywood. Aktori ishte në Festivalin e Filmit në Kanë për prezantimin e filmit “Jeanne du Barry”, në të cilin luan mbretin Louis XV.
Një vit më parë Deep ishte në sy të mediave për padinë kundër Amberd Heard dhe rikthimi në punë dukej shumë larg, por mesa duket ai dëshiron të rikthehet në aktrim.
“Kur arrini fundin e shkëmbit, arrini në fund, pastaj e gjeni bodrumin deri në fund”, tha Depp për Associated Press.
Jashtë premierës në Kanë të “Jeanne du Barry”, fansat kërkuan autografe dhe shenja ku lexonin “Viva Johnny!” Në rrjetet sociale pritja ka qenë më e tensionuar. Mbështetësit e Heard u mblodhën me hashtagun #CannesYouNot, duke argumentuar se Kana, e cila është kritikuar për mirëseardhjen e burrave të akuzuar për sjellje të pahijshme, nuk duhet të kishte ftuar Depp.
Një burim i afërt me Johnny Depp tha për TMZ se aktori është duke menduar seriozisht për t’u rikthyer në studio. Sipas raportimeve të TMZ, Depp nuk pranoi të shkonte në festat ku ishte ftuar pas ceremonisë, e gjithë kjo për të qenë super në formë për të nesërmen pasi, do merrte pjesë në intervista.
Burimi konfirmoi se Johnny po kujdeset shumë për shëndetin e tij e se fokusi primar tashmë është karriera.
