Padyshim Johnny është mashkulli më seksi. Kështu ka qenë që kur e nisi karrierën e tij. Nuk janë vetëm rolet që luan ato që e bëjnë Johnny Depp të pëlqehet aq shumë, por edhe pamja e tij e veçantë. Ka ndryshuar që nga flokët, një herë të gjata, një herë i pret dhe bëhet bjond, herën tjetër i hedh me krenari sipër ballit. Mjekra dhe mustaqet janë po aq të rëndësishme. Normalisht edhe ato kanë ndryshuar jo pak herë tek Johnny. Nëse gjithë këto ndryshime ju bëjnë të mendoni se ai ecën sipas modes, gaboheni, ai nuk ndjek asnjë trend. Aktori është komod me veten e vet dhe nëse diçka i pëlqen dhe i përshtatet, nuk e vret mendjen a është e tillë edhe tendenca e modës. Po ju japim një listë të detajeve që kanë mbetur identifikuese në stilin e Depp.
1.Kapelat – Johnny Depp është i apasionuar pas kapelave dhe i përdor shpesh. Më të preferuarat janë ato të llojit “trilby” dhe “fedora”.
2.Varëset– Zinxhirët metalikë dhe varëset i merr me vete gjatë udhëtimeve.
3.Byzylyqet – Preferon të vendosë byzylyqe lëkure, ngjyrë kafe në dorën e djathtë. Dorën tjetër e mbush me byzylyqe me shumë gogla dhe simbole të ndryshme.
4.Shajet – Ende përdor një shall të lidhur në kyçin e dorës. Tani i pëlqen ta mbajë edhe në xhepat e xhinseve të tij.
5.Unazat – Gjithmonë zgjedh ato në formën e kafkës
6.Tatu – Ka mjaftueshëm
7.Xhinset – Asnjëherë shumë të errëta
8.Çizme – Gjithmonë të zeza
9.Syze– Preferon më shumë syzet në formë harkore, xhami dhe me ngjyra të ndryshme.
10.Veshja – Bluza dhe këmisha xhins, por edhe kostume me vija. Pantallona lëkure dhe kapuça. Çfarëdo që të veshë, ai duket gjithmonë i kompletuar.
*Publikuar në revistën “ICON” nr.4.
