Aktori i njohur Johnny Depp është në lidhje me Joelle Rich, një avokate që e përfaqësoi atë në gjyqin e tij për shpifje në Mbretërinë e Bashkuar kundër The Sun, konfirmoi Page Six.
Avokatja është e martuar, por e ndarë në këtë kohë, mirëpo divorci i saj mund të mos jetë finalizuar ende, raporton sërish Pagesix.
Në fillim të kësaj vere, Depp, 59 vjeç, ndezi thashethemet për romancë me një avokate tjetër, Camille Vasquez, e cila e përfaqësoi atë në gjyqin e tij për shpifje në SHBA kundër ish-bashkëshortes së tij Amber Heard.
Sidoqoftë, Vasquez shpejt i mbylli thashethemet duke i quajtur akuzat “seksiste” dhe “joetike”.
“Unë kujdesem shumë për klientët e mi dhe padyshim që jemi afruar”, tha ajo për People në qershor. “Por kur them ne, kam parasysh të gjithë ekipin, dhe sigurisht që përfshin Johnny-n.”
Vasquez vuri në dukje se ylli i “Pirates of The Caribbean” kishte qenë miku dhe klienti i saj për katër vjet e gjysmë.
“Është gjithashtu një akuzë joetike që po bëhet. Është seksiste”, shtoi ajo. “Është për të ardhur keq dhe është zhgënjyese, por në të njëjtën kohë është edhe një gjë që pritej. Nuk mund të them se isha aq shumë e befasuar”.
