Këngëtari John Legend dhe partnerja e tij, Chrissy Teigen, janë një ndër çiftet më të ndjekur e të komentuar në rrjete sociale, të cilët s’e kanë aspak problem të tregojnë pa dorashka jetën e tyre.
Dyshja ndan thuajse gjithçka me publikun, madje edhe komentet pikante ia bëjnë shpesh njëri-tjetrit në rrjete sociale.
Së fundmi, modelja ka ndarë në llogarinë e saj në Instagram një foto shumë seksi ku shfaqet me të brendshme, ndërsa krahas saj shkruan: “Fuck it“.
Gjithçka në rregull, deri në momentin që shohim komentin epik të John Legend, i cili s’i ka rezistuar dot pozës së partneres së tij.
“Mos të të vijë keq kur ta bëj”- shkruan ai, koment i cili ka habitur edhe vetë Chrissy-n.
Pak javë më parë, dyshja ndau lajmin më të dhimbshëm të jetës së tyre, abortin e fëmijës së tretë.
Ata pikëlluan ndjekësit me fotot e rrëfimin e tyre për fëmijën e humbur, ndërsa treguan se u bënë të fortë për njëri-tjetrin dhe dy fëmijët e tjerë.
