Reperja me famë botërore, Cardi B, tashmë i është futur seriozisht edhe kinematografisë dhe po punon për një projekt të ri që me siguri do të na pëlqejë të gjithëve.
Cardi do të jetë pjesë e një komedie nga “Paramount”, e cila do të titullohet “Assisted Living”.
Ky lajm ka bërë xhiron e rrjetit kudo në media, ndërsa pas përhapjes së këtij lajmi të bukur reperja shkroi në llogarinë e saj në Twitter:
“Puna dhe jeta do bëhen 10 herë më të vështira, por unë jam e mbushur me lumturi. Kur keni mundësi në duar, merrini TË GJITHA!”
Cardi do të luajë rolin e një mashtruesje të quajtur “Amber”, të cilës një vjedhje i shkon keq.
Teksa arratiset nga policët dhe ish-skuadra e saj, ajo do të gjejë vendin më interesant për t’u fshehur, duke u maskuar si një e moshuar.
Ajo do të qëndrojë në shtëpinë e të moshuarve, ku është edhe gjyshja e saj.
“Në arrati nga policët dhe nga ish-skuadra e saj, ajo do përpiqet të gjejë çdo vend për t’u fshehur. Kur mundësitë të mbarojnë, Amber do maskohet si një grua e moshuar dhe do të fshihet në një vend ku askujt s’do i shkonte mendja të kërkonte, në një shtëpi kujdesi për të moshuarit, ku qëndronte dhe gjyshja e saj.”- shkruhet në përmbledhjen e “Assisted Living”.
Mezi po e presim!
