Elvana Gjata kërkoi që të merrte famë jashtë kufijve të vendit dhe për këtë zgjodhi që të bashkëpunonte me producentin e njohur, Poo Bear.
Por ndërkohë që ne presim këngën e re të Elvanës, duket se këngëtarja krahas bashkëpunimit ka krijuar një lidhje të ngushtë edhe me pjesën tjetër të familjes së Poo Bear.
Producenti i njohur dhe partnerja e tij priten të bëhen prindër së shpejti dhe kanë organizuar “baby shower”, me miqtë më të ngushtë. Pjesë e miqve të afërt të çiftit, ka qenë edhe Elvana Gjata, e cila mesa duket tashmë është bërë pjesë e pandashme e familjes së njohur.
Bashkëshortja e muzikantit ka publikuar foto në “Instagram”, ku mes mikeshave të saj duket edhe këngëtarja shqiptare.
Poo Bear është një ndër producentët muzikor më të suksesshëm të Amerikës, pasi ai ka bashkëpunuar me emrat më të njohur të muzikës ndërkombëtare si, Justin Bieber, Adele, Jennifer Lopez, Chris Brown, Usher, Kelly Rowland, etj.
