Lewis Hamilton është një nga pilotët më të famshëm e më të suksesshëm të “Formula 1”, i cili duket se ka vendosur të provojë veten edhe në një fushë tjetër, muzikën.
Me një koment në foton e këngëtares Christina Aguilera ai padashje ka zbuluar se ka debutuar në mënyrë sekrete në këngën e rë të këngëtares “Pipe”.
Pas komentit fansat kanë aluduar se mes tyre ka diçka, por sipas “The sun” kjo ka të bëjë me bashkëpunimin e tyre muzikor.
Kampioni i “Formula 1” dëgjohet teksa këndon në këngën e Aguilera-s dhe ka përdorur si emër arti XNDA.
Thuhet se më herët Hamilton ka punuar me Jay Z dhe Kanye West, por asgjë nuk u konkretizua.
Ndërkohë Christina ka thënë se po punon me një person, i cili prej disa kohësh po përpiqet të gjejë stilin e tij të kënduarit dhe më në fund është gati të lançohet si këngëtar.
