Atë e kemi parë së fundi si moderatore të emisionit “Doktor Plastik” që sapo ka nisur sezonin e dytë.
Por Kiara Tito ka plane të reja për karrierën e saj dhe ato i ka bërë publike sot.
Moderatoren do ta shohim në YouTube me një kanal të sajin, si V-logger.
“Çfarë do donit të shihnit në videon time të parë?”, ka pyetur Kiara fansat e saj, duke na treguar 2 opsione: Një make-up tutorial ose një video të rutinës së saj të përditshme.
Ky është një projekt i ri i këngëtares që s’ka lidhje me televizionin dhe jemi shumë kuriozë se si do të ecë.
Së fundi ajo është bërë pjesë e klipit të ri të Butrint Imerit me titull “Hajt Hajt” duke e zgjeruar karrierën e saj në shumë drejtime.
