Prej ditësh mediat rozë po gëlojnë nga lajmi se 40-vjeçari Hekuran Billa që u ekzekutua më 11 qershor te “Komuna e Paristi” dhe reperi i famshëm Noizy kanë qenë miq të vjetër, teksa vetë reperi ka zgjedhur të heshtë rreth kësaj çështjeje.
Mbrëmjen e sotme në “Opinion” është folur rreth ekzekutimit të Hekuran Billës, ku gazetarët Klodiana Lala dhe Artan Hoxha kanë treguar detaje të reja rreth miqësisë së tyre.
Gazetari Artan Hoxha ka thënë se Noizy e ka ndihmuar Billën për të dalë nga burgu, duke “investuar”.
Kurse , Lala u shpreh se këngëtari ka marrë pjesë edhe në varrimin e tij bashkë me personazhe të njohur të botës së krimit, por nuk ka përmendur emra të këtyre të fundit.
“Unë e kam takuar personalisht në burgun e Fushë-Krujës. Në burg e thërrisnin Lani. Debati ka nisur në Londër për parkingjet. Fillimisht me viktimën janë rrahur dhe më pas ka marrë armën dhe ka marrë Prel Markun. Noizy e takonte në burgun e Fushë-Krujës. Madje ka qënë në varrimin e tij bashkë me emra problematikë të botës së krimit,”.
Mendohet se njohja e tyre daton që në kohën kur këngëtari jetonte në Angli dhe nuk ishte i famshëm.
Sikurse të gjithë e dimë, gjatë kohës që jetonte në Angli, Noizy është marrë me “street fight” (ndeshjet e rrugës), ku siç duket ka njohur Billën dhe të dy djemtë kanë ushtruar së bashku sportin e boksit.
Në atë kohë dy shqiptarët janë afruar shumë si dy emigrantë që përpiqen të mbijetojnë në një shtet të huaj, por rrugët e tyre u ndanë kur reperi u rikthye në Shqipëri dhe nisi karrierën në muzikë, kurse Billa nuk i kishte mbyllur ende hesapet me drejtësinë.
Megjithatë, miqësia mes të dyve vijoi gjatë, pasi mësohet se këngëtari e vizitonte shumë shpesh edhe kur ai vuante dënimin në burgun e Fushë-Krujës, nga ku u lirua vetëm një vit më parë.
Ndonëse vetë Noizy nuk ka publikuar asnjë foto me viktimën, as këto ditë e as më parë, në faqet e fansave të reperit ka rënë në sy një foto ky Noizy pozon në krahë të Billës dhe pjesëtarëve të tjerë të OTR.
Nga ana tjetër, Billa mendohet të ketë qenë mik edhe me Stresin, pasi ky i fundit ka zbuluar përmes një postimi në InstaStory se e njihte dhe madje e quan vëlla.
Reperi shpreh ngushëllime për ndarjen nga jeta të 40-vjeçarit, të cilit iu bë atentat të enjten e kaluar.
