Kafshët e kopështit zoologjik të Fierit “Safari Park” që pak ditë më parë u përfolën në mbarë botën për kushtet e vështira dhe të këqija të jetesës kanë aritur të transferohen ditën e djeshme në Tiranë.
12 kafshë janë transferuar në Tiranë, ndërkohë tre luanët që ndodheshin në këtë kopësht zoologjik, do të transferohen në Holandë për t’u shëruar, e prej andej do të dërgohen në Afrikë, ku do të lihen edhe të lirë.
Mirëpo duket se gjatë transferimit ka patur edhe vështirësi, pasi zebra nuk ka arritur të mbijetojë, pavarësisht kujdesit.
Lajmin e bëri të ditur faqja zyrtare e organizatës ndërkombëtare për mbrojtjen e kafshëve “Four Paws” duke shkruar në Instagram: “Lajm i keq: Zebra vdiq… Ne festojmë së bashku dhe brengosemi së bashku. Pasi kemi ndarë me ju lajmin se kemi arritur të shpëtojmë kafshët e egra nga kopshtin zoologjik më të keq të Evropës, ne tani kemi një lajm të keq për ju: “zebra pa emër” ka ngordhur pak pasi ka arritur në shtëpinë e saj të re. Gjatë transferimit ajo ishte mirë, por pak pasi u lirua në rrethimin e saj zebra vdiq papritur. Ekziston gjithmonë një rrezik pas anestezisë dhe transportit të çdo lloji veçanërisht nëse kafshët vijnë nga kushte të këqija mbajtëse. Ne e dimë se sa shumë jeni kujdesur për të dhe keni dërguar sugjerimet tuaja për një emër për të. Kishim ëndërr ta shihnim të lire, por për fat të keq kjo nuk do të ndodhë tani dhe për sa kohë nuk i kemi vënë një emër, ai do të qëndrojë në zemrat tona përgjithmonë. Pusho në paqe i dashur mik”.
