Si çdo cikël i jetës edhe lidhjet e dashurisë kanë uljet dhe ngritjet e veta. Një fillim i lumtur ku fluturat të lëvizin në stomak dhe je e gatshme të thërresash me gjithë fuqinë e zërit që ke gjetur partnerin ideal, pasohet në jo pak raste me një moment të dytë ku kupton se gjithçka ishte e gabuar.
Jo të paktë janë ata çifte të cilët i kanë dhënë fund dashurisë së tyre ende pa lindur mirë. Mirëpo gjithmonë kemi qenë dëshmitarë të faktit se “dashuritë e mëdha” pavarësisht uljeve dhe ngritjeve, pavarësisht krizave kanë arritur të triumfojnë dhe ata sot janë më të lumtur se kurrë.
Këtë na e vërtetojnë më së miri 5 çiftet e famshme shqiptare të cilat pavarësisht se në shumë raste janë përfolur se janë ndarë, sot janë bashkë më të fortë dhe më të dashuruar se kurrë më parë.
Patris Berisha dhe Altina Sejdiu e pranuan publikisht lidhjen e tyre vetëm pak kohë para ardhjes në jetë të djalit të tyre, Tianit duke na surpriza të gjithëve.
Pas ardhjes në jetë të djalit, Tuna u shkëput plotësisht nga karriera artistike për t’iu dedikuar familjes së saj të re.
Mirëpo vitin e kaluar për një periudhë të gjatë kohe, Tuna dhe Patrisi u bënë pjesë e titujve bombastikë në mediat rozë: “Ndahet Tuna dhe Patrisi”, “Çifti në krizë”.
Fillimisht dyshimet nisën pasi ata nuk e ndiqnin më njëri-tjetrin në rrjetet sociale, fotot e përbashkëta të tyre mungonin dhe për më tepër një burim për “Bluetooth”, zbuloi se Tuna dhe vogëlushi Tian ishin larguar nga shtëpia.
Gjithashtu edhe statuset thumbuese në rrjetet ishin një tregues se lidhja e tyre ishte në krizë.
Mirëpo ndërkohë që gjithë mediat zjenin për ndarjen e tyre, Tuan dhe Patrisi na treguan se pavarësisht kësja krize ata arritën të rezistonin dhe madje sot janë përkrahë njëri-tjetrit më të lumtur se kurrë më parë.
Kujtojmë që vetëm pak ditë më parë ata festuan edhe ditëlindjen e parë të Tianit me një festë madhështore.
Robert Berisha dhe Nora Istrefi janë një ndër çiftet më jetëgjata të showbiz-it shqiptar, por si çdo çift edhe ata kanë pasur uljet dhe ngritjet e tyre. Në jo pak raste në media është përfolur se ata janë ndarë, por që gjithmonë na kanë treguar se i kanë përballuar me sukses këto situata.
Në vitin 2016-të u përfol se Nora dhe Roberti ishin ndarë dhe dyshimet lindën menjëherë pas ditëlindjes së këngëtares, e cila festoi pa praninë e të shoqit. Në fotot dhe xhirimet e festës së ditëlindjes së Norës u vu re dukshëm mungesa e Robertit dhe madje një burim për emisionin “Express” tha se çifti nuk jetonte më bashkë.
Mirëpo me kalimin e viteve Nora dhe Roberi na kanë treguar se kanë ditur ta mbajnë të fortë lidhjen e tyre pavarësisht krizave që kanë kaluar dhe sot janë prindër edhe të një vajze bukuroshe, Renee.
Zaimina Vasjari dhe biznesmeni shqiptar, Klodiani janë së bashku prej 11 vitesh. Pak kohë më parë ata u bënë prindër të një vajze, të cilën e pagëzuan me emrin Khloe.
Dashuria e tyre ndër vite ka pasur uljet dhe ngritjet e veta. Në vitin 2016 ata u ndanë dhe këtë e pranoi edhe vet Zaimina, ndërsa në vitin 2017 ata u rikthyen duke i lajmëruar të gjithë se do të martoheshin.
Pas një propozimi në Maldive, marrëdhënia e Zaiminës dhe Klodianit pati një fund të lumtur.
Luana Vjollca dhe biznesmeni nga Kosova, Krenar Çoçaj prej vitesh janë në një lidhje dashurie, të cilën as e kanë pohuar dhe as e kanë mohuar publikisht. Ata kanë preferuar që lidhja e tyre të mbajë një profil jo publik, jashtë vëmendjes së mediave, por që realisht nuk ia kanë arritur pasi janë një ndër çiftet më të diskutuara në mediat rozë.
Në jo pak raste është përfolur se Luana dhe Krenari janë ndarë, por gjithmonë më pas na kanë treguar se janë bashkë.
Hera e fundit që Luana dhe Krenari janë përfolur se janë ndarë është në muajin shkurt të këtij viti, kur moderatorja ishte për pushime në destinacionin luksoz St. Moritz të Zvicrës, së bashku me Marinën dhe Getoarin.
Një burim pranë çiftit në atë periudhë tha se ata janë ndarë dhe madje Krenari po përballej me drejtësinë pasi ishte akuzuar për një rrahje në vitin 2015.
Mirëpo disa javë më vonë ata u fotografuan së bashku dhe madje kohët e fundit Krenari ka filluar edhe ta komentojë Luanën në rrjete sociale dhe na treguan në këtë mënyrë se janë bashkë dhe tashmë kriza mes tyre ka kaluar.
Këngëtarja me origjinë shqiptare, Dua Lipa vite më parë ka qenë në një lidhje dashurie me kuzhinierin Isaac, me të cilin u nda dhe pas tij u lidh me Paul Klein.
Mirëpo vetëm pak kohë më parë Dua u nda edhe nga Paul. Menjëherë pasi u nda nga Paul mediat botërore bënë të ditur se këngëtarja shqiptare është rikthyer me ish-të dashurin e saj Isaac, me të cilin pa pasur një lidhje shumë të gjatë.
Ata tashmë kanë filluar t’i bëjnë pëlqime dhe komente njëri-tjetrit në rrjete sociale dhe po përflitet se me shumë mundësi janë sërish së bashku. Në qoftë se kjo është e vërtetë, Dua dhe Isaac po na tregojnë se dashuritë e mëdha triumfojnë pavarësisht krizave që pësojnë në periudha të caktuara.
