Tatuazhet janë lloji më special i dedikimeve dhe shumë personazhe publike na e ka vërtetuar disa herë me tatuazhet e tyre. Zakonisht, njerëzit zgjedhin të përjetësojnë një kujtim në lëkurën e tyre, duke gdhendur një tatuazh që do t’i kujtojë gjithmonë për një moment apo person të caktuar.
Kështu ka bërë edhe moderatorja bukuroshe Jonida Vokshi ditën e sotme. Jo një, por dy tatuazhe ka gdhendur ajo në trupin e saj.
Jonida nuk ka ngurruar t’i ndante edhe me fansat e saj në Instastory tatuazhet e veçanta. Të parin e ka bërë në dorë dhe shkruan Emi me një shkrim të veçantë, emri i vajzës së saj.
Ndërkohë, tatuazhin e dytë e ka bërë në shpinë, duke shkruar “Faleminderit Zot” me një shkrim po ashtu shumë të bukur. Padyshim ky tatuazh duket kaq bukur në shpinën e saj dhe të dyja gdhendjet e Jonidës kanë kuptim shumë domethënës.
Që kur është bërë nënë Jonida na ka surprizuar me ndryshimet e saj të njëpasnjëshëm. Ndonëse ka qenë gjithnjë tejet tërheqëse, duhet ta pranojmë se vitin e fundit i ka vënë vulën.
Pas lindjes, Jonida i befasoi të gjithë me format e trupit të saj dhe çdo kilogram që kishte shtuar gjatë shtatzënisë, e humbi menjëherë. Madje, pasi u bë nënë moderatorja vendosi të bëjë edhe një tjetër ndryshim në pamjen e saj, duke ndjekur rregullin e pashkruar të hapjes së ngjyrës së flokëve gjatë verës, duke shtuar disa highlights në flokët e saj.
Një ndryshim të vogël moderatorja mjaft e dashur e ekraneve shqiptare e paska ruajtur edhe për stinën e dimrit. Më herët këtë javë Jonida ka postuar një video në Instagram ku shihej në makinë dhe na tregoi se kishte prerë balluke. Ky ndryshim i saj është pritur mjaft mirë nga fansat që menjëherë kanë shkruar komentet më të bukura.
