Demi Lovato është rikthyer në përdorimin e përemrave “ajo/saj” një vit pasi doli si jobinarë dhe ndau preferencën e saj për të përdorur përemrat “ata/ato”.
Këngëtarja “Sorry Not Sorry”, ndau në podcastin “Spout” të martën se mori vendimin e ri sepse ishte “një person i rrjedhshëm(fluid)”.
Duke shpjeguar më tej pse ajo adoptoi më parë “ata/ato”, Lovato tha se energjia e saj vitin e kaluar ishte “e balancuar në energjinë mashkullore dhe femërore”.
“Kur u përballa me zgjedhjen për të hyrë në një banjë dhe thoshte “gra” dhe “burra”, nuk u ndjeva sikur kishte një banjë për mua sepse nuk ndihesha domosdoshmërisht një grua. Nuk u ndjeva si burrë. Thjesht u ndjeva si njeri.”
Lovato tha se zgjedhja për t’u identifikuar me përemrat “ata/ato” në një moment, për të, kishte të bënte me “të ndihesh njeri në thelb”.
“Kohët e fundit, jam ndjerë më femërore, dhe kështu kam adoptuar sërish ‘ajo/saj’”, ripohoi ajo. “Por unë mendoj se ajo që është e rëndësishme është se askush nuk është i përsosur.”
Këngëtarja e “Heart Attack” përfundoi: “Të gjithë i ngatërrojnë përemrat në një moment, dhe veçanërisht kur njerëzit mësojnë. Gjithçka ka të bëjë vetëm me respektin.”
Lovato së pari njoftoi se do të përdorte përemrat “ata/ato” në maj 2021 kur doli publikisht si jobinare pasi “bëri disa punë shëruese dhe reflektuese”.
“Mendoj se kjo përfaqëson më së miri rrjedhshmërinë që ndiej në shprehjen time gjinore dhe më lejon të ndihem më autentike dhe e vërtetë me personin që jam dhe ende po e zbuloj,” tha ajo në podkastin e saj, “4D With Demi Lovato”, në atë kohë.
