Nesër në Tiranë ka protestë në mbështetje të së miturës së abuzuar në Kavajë.
Ndërsa e gjithë Kosova u ngrit dy ditë më parë për 16-vjeçaren e abuzuar në Drenas nga profesori dhe efektivi i policisë, në vendin tonë marshimi do të mbahet një javë pas publikimit të ngjarjes së rëndë.
Përmes një kërkese drejtuar Drejtorisë së Policisë Tiranë, qytetarët kërkojnë leje për të protestuar në mënyrë paqësore nesër në orën 10:00, “në mbështetje të viktimave që kanë pësuar dhunë seksuale”.
Marshimi do të nisë në Ministrisë e Arsimit dhe më pas protestuesit do të drejtohen për në Drejtorinë e Policisë.
Kujtojmë se në protestën e mbajtur në Kosovë pati përfshirje edhe të personazheve publikë, ndërsa pritet sesi do të jetë pjesëmarrja e tyre në vendin tonë në marshimin që do të zhvillohet nesër.
Burimi: Iconstyle.al
