Elita Rudi dhe reperi Gjiko do të bëhen shumë shpejt prindër! Edhe përse lajmin e mbajtën sekret për një kohë të gjatë, në fund e konfirmuan në klipin e këngës “Distanca”, ku për herë të parë moderatorja bukuroshe ekspozoi barkun e rrumbullakosur.
Ditën e sotme, përmes një profili në “Instagram”, Elita zbulon se shtatzënia për të nuk paska qënë shumë e lehtë! E veshur me një fustan ngjyrë nude, moderatorja pozon pranë një peme të Vitit të Ri, teksa ndriçon me barkun e rrumbullakosur.
‘’Jo çdo ditë e shtatzënisë është e lehtë, por çdo ditë më afron me ty bebja ime” – shkruan Elita, pa zbuluar se cilat janë ekzaktësisht vështirësitë gjatë pritjes së ëmbël.
Çifti i njohur, që lidhi kurorë në muajin shtator, ka zgjedhur të mos e zbulojë ende gjininë e bebit.
