Jennifer Lopez dhe Alex Rodriguez mund të jenë duke menduar për një fejesë festive, 9 muaj pasi e bënë romancën e tyre publike.
Ndonëse ata kanë vendosur të bashkëjetonte pak kohë më parë, një burim i tha revistës E!, se Alex është gati t’i propozojë JLo-s nga dita në ditë dhe ndoshta dita e madhe do të jetë vigjilja e Krishtlindjeve.
Ndërsa një burim për “People” tha: “Të gjithë fëmijët duan që ata të dy të martohen. Por Jennifer është e kohës së vjetër dhe do të presë për unazën e fejesës, para se të nisë bisedat për ndonjë martesë”.
Më herët në muajin shtator, Jennifer tha se marrëdhënia mes tyre është shumë mirë dhe se ndihet sikur dashuron për herë të parë. Madje ajo shkoi aq larg sa tha se ndoshta kjo është dashuria e saj e parë e vërtetë.
Këtë periudhë të jetës së saj, këngëtarja 48-vjeçare e ka quajtur “Epokën e artë” pasi është bërë njeri më i mirë në krah të Alex, është bërë një vajzë më e mirë, një nënë dhe mike më e mirë dhe sigurisht një partnere më e mirë jete. Nëse vërtetë do të ketë martesë, kjo nuk do të ishte e para për J.Lo.
Jennifer sot ndan kujdestarinë e dy binjakëve Max dhe Emme me ish-bashkëshortin Marc Anthony, me të cilin ka qenë e martuar për 1 dekadë, nga viti 2004-2014.
Më herët ka qenë e fejuar me aktorin Ben Affleck, nga viti 2002 deri në 2004. Më parë aktorja dhe këngëtarja ka qenë e martuar me Ojani Noa për një vit, në 1997 dhe me balerinin Cris Judd nga 2001-2003.
Por edhe Alex ka qenë i martuar më parë me Cynthia Scurtis, nga viti 2002-2008 me të cilën ka dy vajza, Natasha 13 vjeç dhe Ella 9 vjeç.
Burimi: Daily Mail
