Phoebe Philo prezantoi koleksionin pranverë/verë 2017 për Celine në Paris të dielën dhe ju mund të shikonit kënaqësinë në fytyrat e të gjithë të ftuarve që në paraqitjen e parë. Kjo ishte një tjetër goditje e Philo-s, me disa ide të fuqishme. Këto janë disa leksione stili nga shkolla e Celine:
1.Nuk është e nevojshme të jeni superhero, që të vishni pelerinë.
2.Pse të mos veshësh mbi një palë pantallona?
Shumica e pantallonave të shkurtra të Philo-s ishin veshur mbi pantallonat me printime, duke dhënë një paraqitje ndryshe.
3.Zgjidhni një çantë shumë të madhe.
Philo gjithmonë dizajnon me imazhin e një femre të vërtetë në mendje, një femre që është e zënë dhe gjithmonë duke vrapuar. Këto çanta të ekzagjeruara duken si zgjidhje për ne që mbajmë gjithçka (laptopin, veshjet e palestrës, karikuesin, etj.) kudo me vete.
4.Kush tha që këpucët tuaja duhet të jenë njësoj?
Ndoshta një nga zgjedhjet më me stil të shfaqjes ishte mospërputhja e këpucëve. Duhet të shiten bashkë apo të ndara? Do ta zbulojmë dhe do t’ua themi!
5.Jini të guximshme për gjoksin!
Mënyra më “chic” për të theksuar gjoksin.
6.Getat ishin kudo.
Thuajse çdo paraqitje ishte kombinuar me geta të bardha apo të zeza. Këmbët e mia ndihen më të ngrohta që tani!
Burimi: Elle
