Gëzuar ditëlindjen Mbretëresha Elizabeth! Ajo mbushi 90-vjeç dhe për të festuar Monarkinë Britanike, publikoi një seri portretesh të realizuara nga Annie Leibovitz në Kështjellën Windsor. Është një portret, jo vetëm i një sovrani, por e një nëne, gjysheje dhe stërgjysheje.
Fotografitë e mrekullueshme janë realizuar muajin e kaluar, që në ndriçimin dhe kompozicionin e saj i bëjnë jehonë pikturave mbretërore të realizuara me vaj, u publikuan dje nga Buckingham Palace, për të shënuar ditëlindjen e 90-të të mbretëreshës sot.
Në fillim, ajo pozon me dy nipërit e saj të vegjël dhe pesë stërnipërit e stërmbesat në Dhomën Jeshile. Duke mbajtur 11-muajshen Princeshën Charlotte në preh, mbretëresha ulet së bashku (nga e majta) 8-vjeçarin James, Viscount Severn dhe 12-vjeçarin Lady Louise, fëmijët e Kontit dhe Konteshës së Wessex-s; vajzën 2-vjeçare të Zara dhe Mike Tindall, Mia; 5-vjeçaren Savannah dhe 4-vjeçaren Isla, vajzat e Peter dhe Autumn Phillips; dhe natyrisht, 2-vjeçarin Princ George.
Bukuroshja e vogël Mia Tindall shihet duke mbajtur në mënyrë krenar çantën e stërgjyshes së saj, 1000 paund nga Launer. Por ato që ishin aty e përshkruajnë këtë moment shumë spontan. “Momenti me Mia-n ishte komplet spontan, nuk ishte aspak i planifikuar. Ajo thjesht mori çantën e stërgjyshes dhe kaq ishte”, thonë burimet.
Në imazhin e dytë, Mbretëresha Elizabeth II pozon me qentë e saj të dashur, Willow, Vulcan, Candy dhe Holly, në shkallët e tarracës lindore në Kështjellën Windsor.
Ndërsa imazhi final përfshinë mbretëreshën të ulur përkrah vajzës së saj të vetme, Princeshës Anne. Kjo fotografi i parapriu fotos së mbretëreshës duke pozuar me trashëgimtarët e fronit britanik, Princ Charles, William dhe George, e cila u publikua një ditë më parë.
Elizabeth ka sunduar Britaninë për afro 65 vjet, duke u bërë mbretëresha me kohën më të gjatë në fron. “Mbretëresha ka qenë e palëkundur dhe një gur i forcës për kombin tonë”, ka thënë kryeministri i Britanisë, David Cameron. Festime për ditëlindjen e Mbretëreshës do të ketë sot gjatë gjithë ditës.
Ditëlindja e saj zyrtare, ndërkaq do të shënohet në muajin qershor, kur familja mbretërore planifikon të ftojë rreth 10,000 veta. Elizabeth ka marrë fronin në moshën 25-vjeçare.
Burimi: Daily Mail/ Us Weekly
