Disa javë më parë ndodhi një ngjarje e rëndë në Selenicë të Vlorës, e cila tronditi mbarë opinionin shqiptar. 24-vjeçari Ritvan Zykaj qëlloi me armë mbi 8 kushërinjtë e tij duke i lënë të vdekur në vend.
Menjëherë pas ngjarjes Ritvani u largua nga vendi i krimit, por më pas ishin forcat e policisë ato që arritën ta arrestonin. Tashmë ai ndodhte në qelinë e paraburgimit në Vlorë dhe ndodhet në fazën hetimore nën masën e sigurisë arrest me burg.
Mirëpo të gjithë jemi kurioz të dimë se cila është sjellja e të riut brenda qelisë dhe marrëdhënia me të burgosurit e tjerë.
Burime nga policia e Vlorës kanë thënë për “ABC News” se Ritvani nuk pranon të flasë me asnjë person, as me punonjësit e policisë. Madje ai nuk del nga qelia e tij as për ajrim, si dhe ushqimin e kërkon brenda dhe jo të ulet me të paraburgosurit e tjerë.
Punonjësit e policisë janë shprehur të befasuar për qëndrimin e të 24-vjeçarit dhe kanë treguar se ai është i qetë dhe aspak i penduar për atë që ka bërë.
Ndërkohë mësohet se edhe pse ka 20 ditë që ai ndodhet në qelinë e paraburgimit, asnjë nga familjarët e tij nuk ka shkuar ta vizitojë, apo të interesohet për të.
Burimi: ABC News
